Өнегеміз - әкеміз – Қамитжан Бижанов

Жан әке – өнеге едің, өткір едің,
Ақ жолды ұрпағыңа көп тіледің.
Арғы атаң Қабанбай мен Қаракерей,
Соларға ұқсап тудың деп білемін.

Қайырмасы:
Туған жерін сүйіп өткен әкеміз,
Шаңырағын биік еткен әкеміз.
Сын сағатта сыр бермеген әкеміз,
Көкірегін жыр кернеген әкеміз.
Еңбегімен мәлім болған әкеміз,
Әулетіне тәлім болған әкеміз.

Тағдырдың дауылында дірдектедің,
Сонда да мойымаған бір бетті едің.
«Бижанның баласымыз» деген сөзді,
Намыстың жалауындай құрметтедің.

Қайырмасы

Жеттің ғой үмітіңе, арманыңа,
Айналдың ел-жұртыңның ардағына.
Атандық Кісенбайдың мұрагері,
Ұл-қызың бас иеді әруағыңа!

Қайырмасы