Келеді күн, кетеді күн шектелмей

Келеді күн, кетеді күн шектелмей,
Келер күнге кеткен күнім өткелдей.
Туып тағы тербеп жатыр, жер-ана,
Нәрестесін кінәсіз жас көктемдей!
Майысады мың бұралып, тал билеп,
Әз көңілден сан күй кетер, сан күй кеп.
Маужырайды махаббаттар толықсып,
Бар дүние, ар дүние әлдилеп!
Күлімдейді күміс кірпік көкте күн,
Сезімімнің босатып сым шектерін.
Көз ұшында елестеген шаң беріп,
Қайда жүрсің,
Қайран менің көктемім!..

---