Қанипа Бұғыбаева

Көрінсе біреу алыстан

Бұл бетте «Көрінсе біреу алыстан» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

11.11.2021
0
0
616

Көрінсе біреу алыстан,
Өзің ғой деп дір етем.
Тағатымды тауысқан,
Лапылдаған бір от ең.
Оралады ойға әнің,
Кетіп едім, ұмытып.
Жүрсің маған беймәлім,
Кімнің жанын жылытып?!
Сен біреудің күнісің,
Мен біреудің айымын.
Тарылып беу, тынысым,
Шайқайды үміт қайығын...
Қараса біреу алыстан,
Дір етемін, өзің деп.
Төзімімді тауысқан,
Тағат қайтіп көз ілмек!
Бұраң өмір, жолы шың,
Кездесуге уақыт жоқ.
Көрінеді-ау, сол үшін,
Еске алу да бақыт боп!..

Қанипа Бұғыбаева көрінсе біреу алыстан Қанипа Бұғыбаева өлеңдері

Пікірлер (0)

Пікір қалдырыңыз

Жиі қойылатын сұрақтар