Осылай боп қалады

Қызды өсіріп, ер жеткізіп баланы,
Өмір шіркін заулап өтіп барады.
Бізге дейін дәл осылай болды ғой,
Бізден кейін осылай боп қалады.
Күні кеше жігіт едік жаланған,
Жан-жағына жалт-жүлт етіп қаранған.
Бірте-бірте жіңішкеріп даңғыл жол,
Шыға келді сүрлеу-соқпақ тap алдан.
Егделікке берілмегің келеді,
Кімді аяған уақыттың «елегі».
Жастық шақты сатып алар едің-ау,
Жоқ қой бірақ оның ешбір төлемі.

---