Еркекті қатын бақпасын

Өзінің жаққан ошағын,
Медет қып, әйел сақтасын.
Тәңірдің қосқан қосағын,
Бақытқа балап, жақтасын.
Тұлпардың әбзел тоқымын,
Еншілеп есек жатпасын,
Ері тұрып, әйелдің -
Билеуінен сақтасын.
Көнсек те, өмір өртіне -
Еркекті қатын бақпасын...

Көлденең келген кесір - мұң,
Жанына ердің батпасын.
Білместің күйін кешіргін,
Жігітті - ісі, ақтасын.
Сүрінбей сыннан өтетін,
Ардағын ана мақтасын.
Бұйырған кетпес, дегенмен -
Еркекті қатын бақпасын...

Қырағы мінез қыранның,
Қанатын дауыл қақпасын.
Өресі биік ұланның,
Мұқтаждық жолын жаппасын.
Тұғырлы болсын азамат!
Еріңмен жұмақ бақтасың.
Біреуге жақсын, жақпасын,
Елдің күні - ерімен,
Еркекті қатын бақпасын...

#жүректегіжазбалар_АлтынайАлиева
#жүректегіжазбалар
26.09.2021ж

---