Қала үрдісі – Қалампыр Кенжеғалиева

Қала үрдісі,
жағдай басқа ... көрші мұнда көршімен
Сөйлесуге құлықты емес. Аңдысып,
көз қиығын әзер салар байқатпай,
Өзі де асқақ, құшағында паң күшік...
Қала салты –
отбасында... асып кетсе – екі адам,
Әр адамның бір басында жеке дау.
Бала шіркін қатын алса – адам боп,
Бас-басына күйттеп жанын кетеді-ау.
Қала осы...
кешегі үміт, арман мұнда әдіра...
Қала адамы сирек жүрер жадырап.
Қыр қазағы көшіп келген о баста
Қалған екен тамырынан ажырап...