Жалғыздықпен болмай жолдас

Жалғыздықпен болмай жолдас
жұп өмірдің қадірі өтпес.
Жалғыздықтан жапа шегіп
көрмейінше бағың кетпес.
Иық тосқан сүйеушіңмен
қатар жүрген күндеріңді
ұмытпасаң – соның өзі
бір бақытың баға жетпес.
Түп-түбіңе жетер болса –
шын жалғыздық жетпей қоймас.
Жалғыздықты сезінуге:
жұдырықтар сені сілтеп
түйілуі міндетті емес.
Жалғыз қалып, ой қамаса,
сені ешкім ойламаса,
кез болмасаң сондай сәтке
Дос қадірін білемін деу,
сірә, бекер... бекер елес.

---