Қайран қариялар

Ұлы Отан соғысының Жыланды ауылындағы қаһармандарына

Дархандығы айнымаған дария
Бар тірлігі аймағына жария
Күнде көрсең, дәл кешегі қалпында
Келе жатар түйе мінген қария.
Әзілқой жан, төңірегін мәз қылған,
Келген көшіп, десетін-ді, Азғырдан.
Түйе мінбей жүрер еді-ау, қаласа
Қол-аяқ кем – тағдыр солай жазғырған.
Әлдеқалай бас қосқанда құрдастар
Жөткерініп әңгіме айтса біреуі...
...Сонау жылғы соғыс езген еңсе көп,
Бас шайқалып, иық біткен теңселеді.
Өткен күнін есіне алып кемсеңдеп,
Тілсіз бірі шетте отырар елпеңдеп,
Қолсыз жеңі оралымсыз селтеңдеп...