Өлең, жыр, ақындар

Желтоқсанның бірі

  • 31.12.2021
  • 0
  • 0
  • 740
Қонып жатыр, қонып жатыр, қонып жатыр қонақтап,
Әппақ ұлпа, әппақ желек!
Аспан әппақ, жол әппақ,
Әппақ шашу күмістелген шағылысып күнменен
Қалықтап кеп жапалақтап биіктей түс, іргеме!
Шымқай аққа болса бәйге,
бүгінгі күн кенелер еді жүлдеге!
Сұрғылт шатыр сұр үйлер жоқ – самсап тұрған ақ сарай!
Пәк көңілім ақ әлеммен жарасымын тапқаны-ай!
Ақтан басқа түс көрмейсіз қарықпайды көз қалай?
Ақ желекке оранып ап бақтар іштей әндетіп,
Әлдилейді әуенімен, бұтақтарын қозғамай.
Сәл қозғалса-ақ ақ дүние кететіндей өзгеріп
Тұрғандай ма, бар тіршілік қозғалмауға сөз беріп...
Дүниені шаңқан түске, ақ бояуға малғандай
Әппақ гүлдер үлбіретіп ақ бүршігін жарғандай!
Желтоқсанның бүгін міне, міне бүгін бірі екен
Әппақ әлем пәктік тойын тойлап жатқан күн екен –
Осынау жыр тазалықтың орнығуғын ырымдап,
бір жүректен жарып шыққан жыр екен!



Пікірлер (0)

Пікір қалдырыңыз

Күнтізбе

  • 0
  • 0

Бір парақ жыртылғанда,
Бір парақ ашылады.
Аспанды қиқу кернеп,
Көктен нұр шашылады.

Толық

Тәтті қыз

  • 0
  • 0

Тәп-тәтті тілі былдырлап,
Балбұлақ күліп, сыңғырлап,
Шапқылап дала кезеді
Бір сәби өсіп келеді,

Толық

Азынап жел соғар арқадан

  • 0
  • 0

Азынап жел соғар арқадан,
Қалтырап, көңіл де сарқады ән!
Жынойнақ секілді ойранмын,
Таң ата көп пері тарқаған.

Толық

Қарап көріңіз