Қалампыр Кенжеғалиева

Неге ұлиды

Бұл бетте «Неге ұлиды» атты Қалампыр Кенжеғалиева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

31.12.2021
0
0
646

Бөрі дейді, қасқыр дейді, жыртқыш дейді,
Жан-жақтан күстәналап түрткіштейді.
Жаратқан бір тағының түрін солай
жаратса, жүре берсін жыртқыш мейлі!
Жортады түз тағысы жөніменен,
Санасып кім көріпті оныменен.
Нәпақасы кезіксе жортқан жолда,
Жемтігі жолыққаны сорыменен.
Ит-құстан адам ерек көрінер ед...
Соғып ап, мақтанбаса тоныменен.
Бір тағыны бір тағы ұрып алар
Озбырлық жәйлі таласпа, меніменен!
Әр мықты түп-түбінде бір құриды,
Қу мүрде топырақта бір шіриді,
Мықты болса, көкбөрі айға қарап...
Жаныңды түршіктіріп неге ұлиды?!

Қалампыр Кенжеғалиева неге ұлиды Қалампыр Кенжеғалиева өлеңдері

Пікірлер (0)

Пікір қалдырыңыз

Жиі қойылатын сұрақтар