Өлең, жыр, ақындар

Еділдің жағасында

  • 31.12.2021
  • 0
  • 0
  • 615
Еділдің екі айрылар енді тұсы –
Көп тұрған Астарханда шенді кісі
Жұмабай кластасым. Жағалауда
қарық боп суретке келдік түсіп...
Кетеді екі айрылып – Шарон, Қиғаш
Балалық шағын ешкім оңай қимас,
Шұрқырап көрістік те күні бойы
Талай сыр ақтарылды жүрген жинап.
Еділден екі өзен басын алса,
Екі жеңді жатқандай кеуде жалғап!
Қиғаштың жағасында туып-өскен
Адамда болушы ма еді өзге арман!
Кеңдікпен, кемерлікпен тудым бірге,
Молшылық әуелден-ақ қанға сіңген.
Тебіренсем, дариядай толқимын да,
Әкетем аспанды да бірге тербеп.
Жан-жары Жұмабайдың Хазила қыз
Бойында тәрбиенің жібек тіні.
Бұл өмір жарастықты үлгі етуге,
Жұптаған сұлулық пен жүректіні!



Пікірлер (0)

Пікір қалдырыңыз

Жеті қат көк деген – аспан ба

  • 0
  • 0

Жеті қат көк деген – аспан ба,
Әлде аспан алтауға астар ма?
Аспанды аспан деп жеке алсақ,
Құпия сырына жете алсақ...

Толық

Жеткізе алмағанда бір ойды сөз

  • 0
  • 0

Жеткізе алмағанда бір ойды сөз,
Болса ғой тылсымдарға енетін кез...
Періштенің кейпінен ажыратар
«пері іште» боп жүргенді көретін көз!

Толық

Мүсіркей қарауға келдің бе

  • 0
  • 0

Мүсіркей қарауға келдің бе,
Қалды ма тағы өшің?
Қоламта, күл-көмеш
Іздеме сезімді,

Толық

Қарап көріңіз