Өлең, жыр, ақындар

Семсер жырдың иесі

  • 04.01.2022
  • 0
  • 0
  • 601
Семсер — жырдың иесі Сіз бе едіңіз,
Хош келдіңіз! Үмітті үзбедіңіз!..
Жүрегімді, санамды шиырлаған,
Жатыр Сіздің жосылып іздеріңіз.
Жүрегімді, санамды шиырлаған,
Сіз бе едіңіз сан жылдар сиынған ән.
Ақиқаттың ауылын шыр айналып,
Шыр-шыр етіп шарқ ұрып құйындаған.
Сіз бе едіңіз сол ақын шырылдаған,
Шарттылық, қасаңдыққа ұрынбаған.
Сіз жасаған қарап ап жыр-айнаға,
Бойы-басын түзейді бүгінде адам.
Жыр-айнадан көреді ел кемшілігін,
Кемшілігін, көзге ұрған ерсілігін.
Сіз жасаған айнаның алдында жүр,
егінші де, малшы да, кенші бүгін.
Сіз бе едіңіз сол ақын ел іздеген,
буырқанған мен Сізді теңіз дегем.
Өр іздеген жырыма бағыт берген,
өзіңізге арналар ең ізгі өлең.
Сертке соққан семсер - жыр
Сіз бе едіңіз,
Хош келдіңіз! (Көңілді бірледіңіз).
Жыр елінде, елімнің жүрегінде,
Жатыр Сіздің жосылып іздеріңіз...

Жамбыл қаласы.
1989 ж.



Пікірлер (0)

Пікір қалдырыңыз

Тарт қолыңды...

  • 0
  • 0

Тарт қолыңды!
Ақынға тиме, надан!
Ақымақтық - ақынды сыйламаған,
Ақын деген Аққуы адамзаттың,

Толық

У...

  • 0
  • 0

Нәлеті мынау нарықта,
Мен ішпеген у мен заһар қалып па?!
Соның бәрін өзегімнен өткіздім,
Зардаптары тимесін деп халыққа.

Толық

Әкім мен әңгіме

  • 0
  • 0

Ақкөз ақын мен болсам,
Қызыл көз әкім сен едің.
Қой бағып мен қор болсам,
Қор болдың-ау демедің.

Толық

Қарап көріңіз