Өлең, жыр, ақындар

Ана сыры

  • 28.11.2015
  • 0
  • 1
  • 11270
Қуанды ана, жалғыз ұл алды келін,
Қарау үшін көз керек, сәнді керім.
Жиырма бес жыл күттірген арманы осы
Сол табардай жүректің барлық емін.
Екі жастың той-думан жүрген жері,
Жарасады наз-әні, күлгендері.
Қуанды ана, жалғыз ұл алды келін,
Қарау үшін көз керек, сәнді керім.
Жиырма бес жыл күттірген арманы осы
Сол табардай жүректің барлық емін.
Екі жастың той-думан жүрген жері,
Жарасады наз-әні, күлгендері.
Бірақ ана ұлының үйленген соң,
Алыс тарта түсерін білген бе еді?
Соған айтқан бесіктен бастап әнін,
Тілемейтін сол жанар жасқанарын.
Ойламапты бірақ та баласында
Үйленген соң басқа өмір басталарын.
Балалықтың есінен шығып бәрі,
Ұл есейді, тек ана ұмытпады.
Елестейді көзіне тентегінің
Оған қымбат бір тәтті қылықтары.
Амал қанша, көнді енді, алшақтады
Керек ұлдың үй болып, жар сақтауы.
Ана есінде ұлының еркелеп кеп
Омырауын сипаған саусақтары.
Осы еді ғой асылы, ар-намысы,
Ол ауырса шығатын жан дауысы.
Осы еді ғой ауыр күн-жесір мұңның
Қуат берген тірегі, алданышы.
Осыны ойлап, салқындап күз қабағы,
Өз-өзінен себепсіз сызданады.
Жек көрмейді-ау келінді, бірақ ана
Жалғыз ұлын еріксіз қызғанады.
Жаутаңдайды жігіт те елеңдейді,
Салқын тартты қабағы неден дейді.
Ал келіннен сұраса оңашада
«Мені жақсы көрмейді енем», - дейді.
Ана үнсіз. Налиды ұл, күйреп келін.
О махаббат, сен де бір бейнет пе едің?!



Пікірлер (1)

Гульназ

Акуштап апай калай толгайды?! Жыры ойлы, сози сыйлы акын. Апай деуге ауыз бармайды, жаны нэзик.

Пікір қалдырыңыз

Адрессіз бала

  • 0
  • 1

Алғаш көрген қалада адасуда,
Тұрағы жоқ, келіпті баласына.
Тілдестім де әйелді үйге әкелдім
Мұқтаж болған қиын-ау жанашырға.

Толық

Қоңыр

  • 0
  • 0

Күй шерткен оңашада домбырадан,
Күн кешкен жыр жолына болып алаң.
Даланың қоңыр күйін сүйіп өткен
О, менің дала мінез қоңыр ағам.

Толық

Аналық ауыр парыз атқардың да

  • 0
  • 0

Аналық ауыр парыз атқардың да,
Атыңа қыз қалдырып батқан мұңға,
'Есімің жер үстінде өшкен жоқ деп
Әкеме барған бетте мақтандың ба?

Толық

Қарап көріңіз