Бәрі өзгерді. Өзгермей үнім қалды

Бәрі өзгерді. Өзгермей үнім қалды,
Айым қалды, аспанда күнім қалды.
Жапырақтар желге ұшып, тал қартайды,
Сұрамай-ақ қойыңыз бүгін халді.
Жапырақпен жүрегім бірге менің,
Жаз боп жайнап мен-дағы жүрген едім.
Тал басынан жүрегім үзілгенде,
Шарам жасқа толады, күрмелемін.
Жалғыздығым жылайды ән айта алмай,
Мұңды кештер күрсінді талай-талай.
Көлеңкесін тасалап қарашаның,
Көше біткен шалқайды шам арқалай.

---