Өлең, жыр, ақындар

Көкжалдар аңызы

  • 18.01.2022
  • 0
  • 0
  • 683
Мен – аршамын!
Менің ием көк арша,
Тау төсінен көктеп шыққам соларша.
Күлгін бүрден тұмар тағып алатын,
Көкбөрі ұлдар күн түбіне жол алса.
Көк аршамен көмкерілген бесіктен,
Көкжал жайлы көне аңызды есіткем.
Арқыраған айғыр дауысы жететін,
Ақпан желі ұрғылаған есіктен.
Ай күзеткен апанынан безінген,
Арлан текті тарихым бұл көз ілген.
Көкбөрі анам омырауымен ып-ыстық,
Көк аршаның нілін қосып емізген.
Қайғылы Алтай –
Менің ғазиз жөргегім,
Жерошаққа кіндігімді көмгемін.
Мизам желі маңдайымды мұздатып,
Арқар қаны менің алғаш көргенім...
Жортуылдан жанын толғақ қысып кеп,
Айбұлақтан арша рухын ішіп тек.
Жатыр әне, тым жансебіл сыңарым,
Көк аршалар арасында күшіктеп.
Орман жырын біздің қаншық –
Ай-қыздар,
Қар бетіне қанмен жазып айғыздар.
Біздің жалғыз қормалымыз қара түн,
Бізді жалғыз түсінеді байғыздар.
Желкесінде жұлдыз құрттар жамырап,
Мынау орман қалады ертең қаңырап.
Жалқы туған бөлтірігімді иіскелеп,
Жатам жалғыз апанымда аңырап.
...Мен аршамын!
Арша, Бөрі – бір ұғым,
Көк аршамен жуады анам бұрымын.
Көкжал қандас үйірімді шақырып,
Көк жүзіне қарап ұза-а-ақ ұлыдым!!!

26. 10. 2009 ж.



Пікірлер (0)

Пікір қалдырыңыз

Емхана

  • 0
  • 0

Емхана.
Бірде күн, бірде түн,
Ажал кеп қазады өмірдің іргесін.
Жымысқы уақыт жылмаңдап барады,

Толық

Елес

  • 0
  • 0

Баяғыда,
Баяғыда...
Атам марқұм сүйеніп таяғына.
Ажал жайлы бір ауыз сөз қозғасаң,

Толық

Күзден қашу

  • 0
  • 0

Жалқы сәтке байлап барлық мұратын
Тастап жалғыз кеткенімен мың ақын,
Өмірден де тартымды екен мына түн.
Өлімнен де үрейлі екен мына түн...

Толық

Қарап көріңіз