Көкше түні. «Келемін тау ішінде түнделетіп»... Сәкен

Бұл бетте «Көкше түні. «Келемін тау ішінде түнделетіп»... Сәкен» атты Ханбибі Есенқарақызы жазған табиғат туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 23.01.2022
  • 0
  • 0
  • 1412
Келеміз тау ішінде түнделетіп,
Бұл дүние - бірде жетік, бірде кетік.
Тұрлаусыз заманымның тұтқынынан,
Ағатай, құтқарсайшы, бірдеңе етіп ...

Сындырып ,Ай сәулесі қарағайды,
Тау ішін салқын самал аралайды.
Алыстан ағатайдың даусы келіп,
Қорғансыз жүрегімді паналайды.

Ай келіп, алақанға қонады да,
Қойныма қуаныш боп толады ма?
Астына аяғыңның көз салғызбай,
Тар кеуде тарта берер жоғарыға!

Дүбірлеп, ат тұяғы естіледі,
Елеңдеп ақ боз бие тепсінеді.
Бақыттың қонғанына мән бермеген,
Бақыттың ұшқанын да ... кеш біледі!

Япыр-ау,жүрек неге дүрсілдеді,
Естілді жасыл таулар күрсінгені.
Сәкеннің дәл өзіндей – сұлу рух,
Мәңгілік билеп – төстеп жүрсін мені.

Тілдестім рухымен, арманым жоқ,
Сұрша қыз болып мұнда қалмағым жоқ.
Күміс-ау*, таңды атырмай қоя тұршы,
Көкшенің көк түніне қанғаным жоқ!?

* қыз аты


Пікірлер (0)

Пікір қалдырыңыз

Жиі қойылатын сұрақтар

Көкше түні. «Келемін тау ішінде түнделетіп»... Сәкен өлеңінің авторы кім?

Ханбибі Есенқарақызы — осы өлеңнің авторы.

Көкше түні. «Келемін тау ішінде түнделетіп»... Сәкен өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Көкше түні. «Келемін тау ішінде түнделетіп»... Сәкен өлеңі не туралы?

Бұл шығарма табиғат туралы өлең ретінде танымал. Өлеңде автор өз ойын көркем түрде жеткізеді.

Көкше түні. «Келемін тау ішінде түнделетіп»... Сәкен өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері