Жаныңа жақын келдім

(аударма)

Жаныңа жақын келдім,
пәк сенім жүрегімді биледі анық,
(шулы тірлік қуанып, кейде налып).
Қазір көше, талдарға сүйенемін
жүрегімді бір шаттық билеп алып.
Мына өмірден
көрдім мен автомобиль тізбегін де,
ана бетін жуған жас іздерін де,
адамдармен жолықтым жүрегіне
көктем де әсер етпейтін, күз де мүлде.
сен жолықтың,
көкті шарлап барады көңіл деген,
елестерді іздеймін көрінбеген,
жамандықтың ұмытып барлығын да,
бар адамға қараймын сенімменен.
Бұл қасірет-қуаныш
жан жарасын білем мен жазбайтынын,
маған анық сенің де алдайтының,
сонда да мен тәтті өмір әуеніне
ілесемін әйтеуір алмай тыным.
Жолықтың сен
шөлде зәру бұлақтың тамшысындай,
ну орманның қарулы аңшысындай,
мен әлсізбін,
жанымда аз да болса
сүйген жандай мөлдіреп қалшы шындай,
ен маған сенім сыйлап, ақыл бердің,
қуа көрме
жаныңа жақын келдім.

РОБЕРТО ФЕРНАНДЕС РЕТАМАР

---