Өлең, жыр, ақындар

Мен кеттім қияли боп, лақсаланып

  • 21.02.2021
  • 0
  • 0
  • 471
Мен кеттім қияли боп, лақсаланып,
Жылт еткен бір нәрсені бақ санадық.
Көкжалқақ мұнар шалған мұңды әлемнен,
Жарады, жаным сені, тапсам анық.
Бейкеспір пендемін ғой дедектеген,
Жырылып, бұл қоғамнан бөлектенем.
Жанымның ауырғанын сезеді де,
Келеді әрқашан да көмекке өлең.
Желемік өзің жақтан есетіндей,
Бір істі жасамайсың бес өтінбей.
Жамылып қызыл іңір барғанымда,
Жолымды қара мысық кесетіндей.
Көзіңді сағынамын нілге малған,
Жібермес бір жалмауыз күндеп алған.
Мағшар сәт – саған да ыстық, маған да ыстық,
Жылт етіп өте шыққан шілде жалған.
Қалайша, сәулім, саған жолығамын?
Алдымда жауын, дауыл...
Долы, қалың.
... Ішемін кеудеңдегі күйігіңді,
Көзіңнен аққан жасқа шомыламын.



Пікірлер (0)

Пікір қалдырыңыз

Қыстауым, балдәуренім, Көлденеңім

  • 0
  • 1

Қыстауым, балдәуренім, Көлденеңім,
Зарығып, сағыныштан шөлдегемін.
Шіркін-ай бақытты кез ...
Сенен басқа,

Толық

Мұнар шалды

  • 0
  • 0

Мұнар шалды.
Секемденем.
Тосындық,
Басымда бақ, болатұғын қосым құт.

Толық

Біздің Дала

  • 0
  • 0

Біздің Дала
Бергі жағы Сүленің,
Тастап кеткен Даңқтықтың
Сілемін.

Толық

Қарап көріңіз