Өлең, жыр, ақындар

Христиандар 13 санын сүймейді

  • 14.02.2021
  • 0
  • 1
  • 515
Христиандар 13 санын сүймейді,
13 десең, бәлкім, үрей билейді.
Күйттегені қара басы, сол баста,
Тұрса-дағы мамыражай күй мейлі.
Ол өйткені ғасыр саны: қан – қабақ,
Ізін салды тарихқа әбден таңбалап.
Дешті Қыпшақ құлап еді сол жүз жыл,
Олжа әперген ойсыратып, сан қабат.
Ұлы жіңгір Мемлекет күйреді,
Өңіріне сүңгіні әкеп, түйреді.
Қолдарынан найза түспес халықты,
Тәлей дәмі, әр қиырға сүйреді.
Соны көріп шошыды олар ...
Табынған,
Сайын Дала – қара қанға малынған.
Бақа басты бақадүрлер, ту сырттан,
Қаңтардағы бурадай боп, шабынған.
13-ші ғасыр еді, ақырғы,
Бабалардың қанын судай сапырды.
Тұран жұрты мәңгілік боп көрінген,
Быт-шыт қирап, сатқа ұрғызды кәпірді.

Содан бері 13 саны оңбаған,
13 десе христиандар болды алаң.
Бас көтермей қалды қайтып, Дешті елім,
Ойлап кетсем, қарап тұрып долданам.
Қанша жүз жыл жүргізіп ең, пәрменді,
Көріп тұрмын ең ақырғы дәрменді.
... Теңізші мен кемпір ғана ырымшыл,
Неге сонша,
Тәңір саған кәрленді?..



Пікірлер (1)

Пікір қалдырыңыз

Шаңқ етті!

  • 0
  • 1

Шаңқ етті!
Қыран үні шатқалды ұрып,
Көңілді селт еткізіп,
Шаттандырып.

Толық

Өмір сүргім келмейді

  • 0
  • 0

Өмір сүргім келмейді – күңкіл ... майдан,
Аяғыма оралды мың түрлі айлаң.
Туырылған өңезі қу тірліктің,
Өмір сүргің келеді құлқың қайдан?

Толық

Мұнар шалды

  • 0
  • 0

Мұнар шалды.
Секемденем.
Тосындық,
Басымда бақ, болатұғын қосым құт.

Толық

Қарап көріңіз