Өлең, жыр, ақындар

Өмір сені сүйеді екем...

  • 30.11.2020
  • 0
  • 0
  • 1184
Ақ қоянның тірлігіндей тірлігім,
Қабағымның кім байқайды кірбіңін?
Жылжып жатыр қызық болып, аңдасам...
Өзгешелеу бір күнімнен бір күнім.
Ызғар өткен шаққа келдім өңменнен,
Аяз қайтсын көңіліңді бөлгенмен.
Таң атады, кеш батады қайтадан,
Ертеңгі күн, мен өзіңе сенгенмен.
Қурай қуып, дәнек тердік күйбеңмен,
Тірлік тұтас тасбауырлау күйге енген.
Байыз таппай жалған шіркін жүргенде,
Аш көз көңіл тоқмейілге үйленген.
Жанарыңа жібердім бе мұң үйіп?
Қарайтындар көп еді ғой қыдиып.
Өмір сені сүйеді екем бәрібір,
Мен аязға назар салдым жымиып.
Шүкір деймін жарық Күнге жайнаған,
Бәрі осылай ілдебайлар айналам.
... Ақ қояндай қарғып шығып қыратқа,
Сіңіп кеттім тірлігіме қайнаған...



Пікірлер (0)

Пікір қалдырыңыз

Боран. Ақ боран далада безеді тілін

  • 0
  • 0

Боран. Ақ боран далада безеді тілін,
Таппайды мынау ойпаңның өзегі тыным.
Ала қаншықша қыңсылап, тырмалайды есік,
Ойым да ұйтқыған дауылдай кезі еді, күнім.

Толық

Ойнап жүрген бір сәби: «Ұшқыш болам» деп күледі

  • 0
  • 0

Ойнап жүрген бір сәби: «Ұшқыш болам» деп күледі,
Қажетінше суғарсақ, солдырмаспыз көп гүлді.
«Болам, – деді, – ғарышкер».
Тампыш танау кекілді ұл,

Толық

Ажарланып, ай маған сығалайды

  • 0
  • 0

Ажарланып, ай маған сығалайды,
Сәуле шашып арбайды, дұғалайды.
Быжынаған кетсем-ау жұлдыздарға,
Адамдардың арасы ұнамайды.

Толық

Қарап көріңіз