Өлең, жыр, ақындар

Қыпшақтарды тонады, талқандады

  • 14.02.2021
  • 0
  • 1
  • 937
Қыпшақтарды тонады, талқандады,
Датқалары қалмақтың талтаңдады.
Мейманасы тасып тұр, қайтсін енді,
Быт-шыт қылып өрісте, мал таңдады.
Қыстап тұрып, кәпірлік дінге енгізді,
Жасамақ боп ұмтылды дүнген21 бізді.
Христиандар шіркеуде шоқындырды,
Тәңірінің жолында жүрген бізді.
Қарцагтағы шіркеуде шатылды анық,
Құл базарда «тауар» боп, сатылды ал, ұқ...
Мажарстан, бір шеті Мысыр жаққа,
Тұтқын болып айдалды қапыл қалып.
Мәмүліктер малдай боп топылғанмен,
Балағатпен шіркеуде шоқынғанмен.
Ұмытпады сүрені «Тәңірі, амин»,
Іске аспайды дәнеңе опынғанмен.
Жайттар көп қой тірлікте, «ұқсақ» деген,
Кірпияздау шалдарға ұқсап келем.
Ана тілін жоғалтты.
Ал, жадында,
Жалғыз ауыз сөз қалды «Қыпшақ» деген.



Пікірлер (1)

Пікір қалдырыңыз

Жүрегіме мұң енді

  • 0
  • 0

Жүрегіме мұң енді,
Жанарыма сағалаған.
Миығыңнан күл енді,
Сағынышым табалаған.

Толық

Ойнап жүрген бір сәби: «Ұшқыш болам» деп күледі

  • 0
  • 0

Ойнап жүрген бір сәби: «Ұшқыш болам» деп күледі,
Қажетінше суғарсақ, солдырмаспыз көп гүлді.
«Болам, – деді, – ғарышкер».
Тампыш танау кекілді ұл,

Толық

Бәсіре

  • 0
  • 0

Өмір біздің ойлағаннан басқарақ,
Көңіл кейде қасқырдан да ашқарақ.
Адамдардың бәрі бірдей бақытты,
Тек бақытсыз: сыр алдырар қас-қабақ.

Толық

Қарап көріңіз