Өлең, жыр, ақындар

Керек емес ешкім де!

  • 23.02.2022
  • 0
  • 0
  • 1752
Керек емес ешкім де!
Құрсын бәрі!
Сыйласқан боп жүргені, ұмсынғаны.
Ақтарылар тазарып досыңның да
ойлайтыны - өзінің мұңсыз қамы.
Адалдықтың алдында аршылардай,
төңкересің жаныңды – тамшы қалмай:
шаруасы – басында, «сүйтсеңші» деп
сенің жауыр жаныңды қамшылар жай.
Жақын ұқпай жаныңды, ұқпай бала,
не еткен түнек? Тұман ба, бұлт па айнала?
Жанұшырып барғанда, кейбір досың
тағдырыңа қатысы сырттай ғана.
Қиындықтар туғанда бір басыңа,
достың бәрі болса да тұлға, сірә,
арашашы бола алмас мұң-шеріңе –
байғұс жүрек, онан да тұр, жасыма!
Жылайтын да сен ғана, жұбанатын,
біреулерде кеткендей құнан-ақың.
Сенша жылап, дәл сенше күледі деп
өзіңді өзің ұмытып құлама тым.
Құрысын бәрі! Жүремін бірақ әрең,
енді ешбірін көрместей сірә да мен.
Қойдым жолдас, досты да…
тоқта… сонда
кетпес пе екен тарылып мынау әлем?
1981



Пікірлер (0)

Пікір қалдырыңыз

Тіл табудың жүрмін–ау таппай да ебін

  • 0
  • 0

Тіл табудың жүрмін–ау таппай да ебін,
маған біреу шашады оттай демін:
«Қайғыма ортақ болмадың, сүйтпедің» – деп,
өз тірлігім, өз қайғым жоқтай менің.

Толық

Жезқазған

  • 0
  • 1

Жезқазған — жыр қайнарым,
мыс балқып қойнауында тулайды ағын.
Көзіндей батыр мінез бабалардың
ұлы — мәрт, қызы — көркем нұрлы аймағым!

Толық

Мен сонда жылап қалғам

  • 0
  • 0

Мен сонда жылап қалғам.
Сен сезбедің. Кетті ұшып жыраққа арман.
Мұның бәрі неліктен? Білесің сен -
өзіңді ұнатқаннан;

Толық

Қарап көріңіз