Өлең, жыр, ақындар

Ленин проспектісі

  • 07.02.2016
  • 0
  • 0
  • 1848
Тойды алып жұрт сағынған көптен-көп,
Алматыға жайды қанат көктем кеп,
Сапқа тұрған коло колонналар секілді
Проспекті жатыр жасыл көкпеңбек.
Көк пен жердің көпіріндей асулы,
Жұлдыз көзді зәулім биік жас үйлі,
Ленин проспектісі поездай,
Алматыны тау басына тасиды.
Проспектіде басын қосқан гүл түгел,
Таң арайын,одан көктің бұлтын көр.
Проспектімен адымдайды ер еңбек,
Проспектімен ағады ақ күлкілер.
Саңқыл қағып сілкінгендей қас қыран,
Фонтан шулап, атылып жер астынан,
Тәтті түстің таң-тамаша нұрындай,
Ақ көбіктен желбірейді жас тұман.
Мөлдір шуақ, өндір бұлақ табысып,
Балтыр түріп балғын талдар жарысып.
Алдыңнан сан көріністі жаяды,
Экранның айнасындай ауысып.
Проспектіден шалынады көзге алыс,
Өнегелі өнер сайыс, сөз жарыс.
Проспектісі Лениннің - өмірдің
Мәңгілікке тоқтамайтын қозғалыс.



Пікірлер (0)

Пікір қалдырыңыз

Майдан түні

  • 0
  • 0

Аспаны күн батыстың қызыл шатыр,
Аңғарып от ұялап алып жатыр.
Жан-жақтан ракета жарқылдайды,
Дегендей окобыңда қалма қапыл.

Толық

Ядвига

  • 0
  • 0

Көздерінен өзгенің,
Сенің көкшіл көздерің.
Айырықша тым өткір,
Белорустың аспаны,

Толық

Хакімбекке

  • 0
  • 0

Біз бірі болмасақ та кемеңгердің,
Біз бірі болмасақ та тереңдердің,
Біз бірі болмасақ та көк шыңдардың,
Егіз бір ұйқасымыз өлендердің.

Толық

Қарап көріңіз