Асыл әжеме арнау

Ұрпақтарыңмен тіледік, күттік жаңа жеткен жасыңды.
Сексен жастың өзі де құрайды бір ғасырды.
Денсаулық берсін апатай, құтты болсын туған күн,
Сексенге сізді жеткізген Аллаға ием басымды.

Сендей адам қайталанбас мына жалған әлемде,
Болдың баршаға баспана, дәрі-дәрмек әрі ем де.
Қатемізді кешіріп, үйреттің өмір сүруді,
Мейірімді жан анасың сен, барша жұртқа әлемге.

Үйреттің бізге көп нәрсе, оған өзің де куәсің.
Қанша ұрысып жатсаңда, жақсы көріп тұрасың.
Рухани бізді байыттың, біліміңмен ақылмен,
Тоқыттың біздің санаға, көнелердің мұрасын.

Жүрген жерің бақыт мекен, жарқырайды әрбір үй.
Сыйлайсыз сіз баршамызға, көтеріңкі көңіл-күй.
Немере мен шөбере қызығына ырза боп,
Енді сізге тілерім, шөбереден шөпшек сүй.


Мененде басқа немерең, тілейді ұзақ ғұмыр сізге де.
Бұйырсын осы жасыңыз мына жүргендер бізге де.
Тоқсанды да бағындырасыз, оған куә осы өлең,
Тоқсаннанда асып-түсіп келесіз бұйыртса жүзге де.

---