Эланора Исаева

Махамбет Өтемісұлына арнау

Бұл бетте «Махамбет Өтемісұлына арнау» атты Эланора Исаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

elanora05
03.03.2022
1
0
2854

Арыстандай жауға атылған,
Кенде емеспіз батырдан.
Дауылпаз ақын Махамбет,
Қаламмен қайрат қаруын,
Азаттық дәмін татырған.

Жолдасы ердің Исатай,
Қосшысы бірі басшысы.
Ерлікпен қаза тапқанда,
Лашын құсын жоқтаған,
Тағдырдың татып ащысын.

Хан алдында саспаған,
Аяғын шалыс баспаған.
Тура сөздің төресі,
Халықтан асып таспаған,
Жасқанбаған жас қалам.

Рухы биік, сөзі өр,
Ұлт намысын бермеген.
Ереуіл атқа ер салып,
Ерлік іздеп шөлдеген,
Найзасын жауға сермеген.

Артта қалды азат күн,
Тәуба, бүгін азатпыз!
Өр намысты қазақпыз,
Махамбеттің жалынды,
Жолын қуған жастармыз!

өлеңдер Махамбет Өтемісұлы Ақынға арнау махамбет өтемісұлына арнау elanora05 өлеңдері махамбет өтемісұлына ар

Пікірлер (0)

Пікір қалдырыңыз

Жиі қойылатын сұрақтар