Өлең, жыр, ақындар

Өкініштен өнім бар ма?

  • 28.03.2022
  • 0
  • 0
  • 539
Тұсында ой жаңартқыш өзгepicтің
Қымбаты-ай өкініштен өнген істің.
Қамы үшін ертеңгінің достарыммен
Күнәдай өз қатемді он бөлістім.
Келгендей айырмасын қызықтағым
Сөз еттім патша тағын, мұжық тағын.
Шынында заң деп ұқтым замандардан
Қисапсыз қанды қырғын iзi ұтпағын.
Қанды өзен бipiнeн соң бipi ағылып,
Қылмысты деп те жүрдік қырағылық.
Ұмытып ұлт дегенді, жұрт дегенді
Баршадан қалсын дедік бip-aқ ұрық
Ей, құдай, сен де осыған қатыстың ба,
Пендемен сен де бізше атыстың ба?..
Осыдан болмады ма күні қараң
Дүниенің шығысындай батыстың да.
Күллісін түсінудей түсіндік-ау,
Ұқсатты өз iciнe iciмдi жау.
Болды ма қан төккенім қатты өкініш
Біржола күйреткенсіп күшін бұғау.
Қалпында қалып қойды кісі өлтіру,
Адамның аяғында кісен шіру.
Өнімі өкініштің бұйырмаса
мүмкін бе тұрмыс аман-есен тұру?!
Әзірше өкініштен өнім аз-ақ
Болғасын мезгіл етпек мені мазақ
Әзірше қырық жамау бүтінделмей
Опық жеп отырғанның дені қазақ.

Ақпан, 1997 жыл



Пікірлер (0)

Пікір қалдырыңыз

Бәрекелде!

  • 0
  • 0

Ащы тер деп ойлама қуанышың
Озып келген бәйгеден құнан үшін.
Қайталауға бардай-ақ бұла күлік
Хан баласын тапаған құлан iciн.

Толық

Қиянат пен қиял

  • 0
  • 0

Қыр соңымнан қал маған қиянатқа,
Қасақана мінгізсе қиял атқа,
Еппен шыққан болар ем ат қинамай
Қиын шоқы басына қиялап та.

Толық

Той толғауы

  • 0
  • 0

Ежелгі бұйрат, eңiciм —
Гурьев — Мақат — Маңқыстау!
Бүгін сен өзің мен үшін
Жаһанда биік маңғаз тау!..

Толық

Қарап көріңіз

Басқа да жазбалар