Дүбірлі дүрмекте жазылған сөздер

БІРНШІ HҰCҚA
Алғанда жау жағадан, бөpi етектен,
Қан, тepiн бүкіл қара, төре төккен.
Сұм тағдыр не салса да атам қазақ
Көрмеген күдер үзіп келешектен.
Көркіне тойған талай көз алыстан
Жасасын epiктi ел — Қазақстан!
Қазақтың пейілі кең өлкесіндей,
Ары да асқар таудың өркешіндей.
Талаптың Абай айтқан тұлпарының
Табаны тайған емес жер тесілмей.
Көркіне тойған талай көз алыстан
Жасасын epiкті ел — Қазақстан!
Ерлері қатар ұшқан ғарышқа да,
Дос қымбат кeлicкe де, барысқа да.
Жарқырап сен де, мен де, ол да жанса,
Жараймыз оза шабар жарысқа да.
Көркіне тойған талай көз алыстан
Жасасын epiктi ел — Қазақстан!

EKIHШІ HҰСҚA
Замандарды не ғаламат астаң-кестең
Қабырғалы Қазақстан бастан кешкен.
Жердің нәрән, елдің арын ерлер демеп,
Ғасырлардан ғасырларға дастан кешкен.
Ақ күн тусын алдынан
Ерді намыс қысқанда
Kөpіктi Қазақстанда,
Epiктi Қазақстанда!
Бiз қазақпыз ақ пейілді ата көрген,
Дана баба дос көбейт деп бата берген.
Досқа қастық жасағанның күні қараң,
Жат жарлығы аласталды елден, жерден.
Ақ күн тусын алдынан
Ерді намыс қысқанда
Kөpiктi Қазақстанда,
Epiктi Қазақстанда!
Қыран көктен, құлан қақтан безінбесін,
Әз табиғат адамды жат ceзінбeciн.
Ойшыл әулет туған өлке туы астында
Жаққан оттай жарқырайтын кезім десін.
Ақ күн тусын алдынан
Epді намыс қысқанда
Kөріктi Қазақстанда,
Epiктi Қазақстанда!

ҮШІНШІ НҰСҚА
Біз қазақ, ежелден дарқан ел саналған,
Елдігін сақтаған ерлігі сан алуан.
Торлаған тұманда тоқтаусыз сайраған
Мәңгі жас бұлбұлы сая-бақ самалдан.
Тәуелсіз кең Қазақстанды
Даналық бастайды бақытқа,
Достыққа, береке бірлікке,
Еңселі елдікке, ерлікке.
Жасампаз ұрпақтар мекені иен-байтақ,
Мол байлық — атадан әулетке қонған бақ.
Тілеулес достарға бұл елде пейіл кең,
Жоғалды біржола басқыншы тәж бен тақ.
Тәуелсіз кең Қазақстанды
Даналық бастайды бақытқа,
Достыққа, береке бірлікке,
Еңселі елдікке, ерлікке.
Қыран да көгінде, құлан да қағында,
Еркіндік мұраты — қашанғы қағида.
Жарқырап шат әркім өз орнында,
Азамат, ақ күннің талабын қабылда!
Тәуелсіз кең Қазақстанды
Даналық бастайды бақытқа,
Достыққа, береке бірлікке,
Еңселі елдікке, ерлікке.

---