Шөмішбай Сариев

Біреуге еркелейтін Заман ба осы

Бұл бетте «Біреуге еркелейтін Заман ба осы» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

30.03.2022
0
0
1253

Біреуге еркелейтін Заман ба осы,
Бәрі де ағайынның аман болсын.
Қарбаласқан дүние арасымен,
Бастады тәуелсіздік далам көшін.
Қол тиер кез емес қой серуенге осы,
Даламның аман болғай керуен көші.
Дұшпан көп жан-жағынан анталаған,
Халқымның тәуелсіздік сенген досы.
Өзендер тасып-толып кемеріне,
Кеңейіп келіп өмір кемеліне.
Осынау тәуелсіздік аман болса,
Қазақты жеткізеді дегеніне!
Тағдырға жайып-жаймай алақанын,
Көгіне құс ұшырар балапанын.
Қазақты жеткізеді дегеніне,
Бүгіннен біз ойласақ бала қамын.
Жайнаған дүниеге жарасат гүл,
Ертеңге — сын артады болашақ бұл.
Тәуелсіз ғұмырларды баянды етер,
Сәбилер жанарында — болашақтұр!..

Шөмішбай Сариев біреуге еркелейтін заман ба осы Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар