Өлең, жыр, ақындар

Дені сау адамдарға өмір — Жұмақ

  • 30.03.2022
  • 0
  • 0
  • 1019
Дені сау адамдарға өмір — Жұмақ,
Кәусардай мөлдірейді көңіл — бұлақ.
Кеуденің сәулесіндей көз-жанары,
Тірліктен жайнап өтер небір шырақ.
Дерті бар адамдарға өмір — тозақ,
Дерті бар адамдардан өмір де озад.
Құдайым, бұл өмірге не жаздым деп,
Амалсыз көкке қарап қолын созад.
Жандардан ғұмыр кешкен сұра небір,
Гүлдермен өлкең жайнап тұнады өңір.
Кей пенде өз бақытын сезінбейді,
Дені сау адамдарға жұмақ өмір.
Тілекпен қолын көкке созады өмір,
Созса да тірі жаннан озады өмір.
Дені сау адамдарға өмір — пейіш,
Дерті бар адамдарға тозақ өмір.
Денсаулық — мініп тұлпар пырағына,
Тірліктің отын жаққан шырағыңа.
Ана жақта білмеймін, осы өмірде
Өмірдің тозағы да,
Жұмағы да!..



Пікірлер (0)

Пікір қалдырыңыз

Алатау

  • 0
  • 0

Жел қармап талдың шашын жұлып қашқан,
Күлкісін табан асты ұмытты аспан.
Халқы үшін ойға шомған кемеңгердей,
Ақ басын Алатаудың бұлт басқан.

Толық

Сырдария

  • 0
  • 0

Жеткенше дарияға жолым — жыңғыл,
Жыңғыл да — сұлулығы жерімнің бұл.
Армансыз Ұлы Анамның құшағында,
Мен бүгін СЫРДАРИЯДА шомылдым бір!

Толық

Шекарашы ағаға

  • 0
  • 0

Бөліп тұрған екі қоғам, екі елін,
Сіз білесіз шекараның ңе екенін.
Сіз білесіз қатысы жоқ бейтарап
Екі араның не екенін?

Толық

Қарап көріңіз