Ұсыныс

Қызыл Кітап, Қызыл Кітап тізімі,
Жылдан-жылга кебеюде қызығы...
Азайды Аққулар да, Қырандар да,
Ақ бөкен, Ерке жүйрік Бұландар да,
Жоғалып бара жатыр талай гүлдер,
Тұқым — тамыр үзілсе қалай бүрлер?
Құрдымға кеткені ме, өткені ме,
Даланың қайран отты шөптері де;
Өлкенің шөбі үшін де, талы үшін де,
Даламның гүл, құстары, аңы үшін де,
Жер беті тірлігінің бәрі үшін де,
Бекітуін сұраймын ұлы елімнен,
Ұсынамын ақындық жүрегіммен,
Ең алдымен, өмірде, ең алдымен,
Адамдардың өзі кеп бас иетін,
Кішіпейіл, пәк, адал Мінездерін,
Инабатты, ибалы Қасиетін,
Ізеттілік, Мейірбанаталатын,
Табиғатқа табиғи Махаббатын,
Табиғатқа тәңірдей бас иетін,
Жоғалтып бара жатыр қасиетін,
Жер атынан, құдіретті Күн-айдың,
Қызыл Кітапқа ендіруін Мен сұраймын!
* * *
Жылдан-жылға көбеюде қызығы,
Қызыл Кітап, Қызыл Кітап, Қызыл Кітап тізімі!