Өлең, жыр, ақындар

Жаңбыр

  • 02.12.2015
  • 0
  • 0
  • 11160
Күркірете көгімді
Көк ала бұлт сөгілді.
Отты көзі жалтылдап,
Бір шолып қап жерімді
Нөсерлетіп ақтарды
Аспан толы теңізді.
Жапырақ қандай жаңарды,
Жаным қандай дем алды.

1955
*∙*∙*
Өрістен қайтқан інгендей,
Мезгілін сезген сауынның.
Шудасы жерге тигендей
Келеді бұлты жауынның.
Келеді боздап жануар,
Желіні сызып жер бетін.
Қаласаң қанша сауып ал,
Жылы екен биыл төгетін.
Келеді жылжып аспанмен
Көшпелі менің теңізім:
Төңкеріп түгел тастар ем,
Етем - ау апат жер жүзін.
Қаласам көгім сілкінер
Атылар оттар, жарқылдар;
Қаласам аспан мөлдірер,
Көк ала қосақ, тартылар,
Бәрі де бүгін қолымда,
Айтқаным келеді айнымай;
Қазақтың жүрер жолында
Тұра алар енді қай құдай!


Пікірлер (0)

Пікір қалдырыңыз

Туған қалам

  • 0
  • 0

Менің Мысырым да сенсің,
Меккем де сенсің.
Сен менің туған қаламсың –
Туған Қызылордамсың.

Толық

Сыншының сыры

  • 0
  • 1

Жаны жүдеу, жүрегі әлсіз біреуге,
Күнде әзірмін жақсы тілек тілеуге,
Бірақ тілім тартып кете береді,
Әдетімен сыншылықтың мінеуге.

Толық

Әзіл орнына

  • 0
  • 0

Мені жұрт дейді-міс майталман,
Ойларын өлеңмен айта алған.
Мен кейде қаламын сөз таппай
Адамдай шабыты ортайған.

Толық