Өлең, жыр, ақындар

Перзенттік парыз

  • 28.08.2018
  • 0
  • 2
  • 4427
Анам Бекзадаға

Жылдан жылғы жаз-дағы жайдарырақ,
Жарқырайды шақырып айна бұлақ.
Бар дүние елжіреп тұрғанменен,
Мейріміңдей өзіңнің қайда бірақ.
Сағындырып бар мейірім, бар ыстығың,
Көктем келді кеудемде тоғысты мұң.
Қабіріңе бір уыс топырақта
Сала алмадым, кеш, ана, борыштымын.
Оралмассың деп ойлау қиын маған,
Көзімде — мұң, көңілімде құйын, боран...
Iз қалдырам сен үшін жылдарға бұл
Сыбағасы өзіңе бұйырмаған.
Күнді еске алып мейірімнен тарықпаған,
Жақсылыққа бір сәтте жарып қалам.
Есіміңді енді мен жырыма орап,
Болашаққа қастерлеп алып барам!
Тay үстінде шуақты тұман басым,
Тұманның түбін енді кім аңдасын?
"Жаннаттан Алла орын нәсіп етсін" —
Сен менің күнделікті дұғамдасың.



Пікірлер (2)

Сәуле Жанпейс

Анамның жатқан жері жаннатта болсын осы өлең жүрекке тиді

Сәуле Жанпейс

Өлең жолдары арқылы анама сағынышым бастады

Пікір қалдырыңыз

Наурыз тойы

  • 0
  • 0

(Наурыз көжеге шақыру)
Наурызкөк құс оралды қанаты ырыс.
Нәзік еді не деген, жарықтық-ай,
Жан мейірімін оятқан жаратылыс.

Толық

VIII бөлім

  • 0
  • 0

Саналы салт-дәстүрді сағынасың.
Қойылған қонағына тәуір асы
Халықтық қасиет пен құндылықтар —
Күн нұрлы ғұмырымның мағынасы.

Толық

Бірге туған үш бала

  • 0
  • 0

Құсқа қара топтана ұшқан ана,
Ұша алмаған ақында күш бола ма?
Терезеден қараймын ойға батып,
Ойнап жүрген бір туған үш балаға.

Толық

Қарап көріңіз