Шөмішбай Сариев

Жалғыз үй

Бұл бетте «Жалғыз үй» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2022
0
0
612

Бұлт ойлармен бір көшіп
Тәңірімен тілдесіп,
Жапандағы жалғыз үй,
Жалғыздықты түр кешіп.
Айналасы жоталы,
Түйе өскен боталы,
Жапандағы жалғыз үй,
Сан тағдырдың отаны.
Болмайтын енді егізі,
Толғатқан ойдың теңізі.
Жапандағы жалғыз үй,
Сан шаңырақ негізі.
Сыртта қалған бұл үйге,
Жұртта қалған бұл үйге,
Боран борап үстінен
Бұлт та жауған бұл үйге.
Аялайтын әнді күй,
Тербейтұғын жанды күй.
Ақындықтың тағдыры,
Жапандағы жалғыз үй!

Шөмішбай Сариев жалғыз үй Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар