Шөмішбай Сариев

Лирика – поэзия падишасы

Бұл бетте «Лирика – поэзия падишасы» атты Шөмішбай Сариев жазған поэзия туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

13.04.2022
0
0
983

Лирика –поэзия падишасы,
Жүрегіңмен табысар әр ұйқасы.
Қарлығаш сезіміңнің жанұясы,
Ағысты көңіліңнің дариясы.
Мезгілдің көктемімен жазып небір,
Тіршіліктің сағыныш сазы небір.
Лирика –поэзия падишасы,
Тасты тесіп, гүл өскен нәзік өмір.
Жүрегіңді өртейтін, от аласың,
Кеңейткен сезіміңнің шекарасын.
Лирика –поэзия падишасы,
Аспан-жердің жалғаған екі арасын.
Құрдастай адамзатпен өмір жасы,
Ырғағы –сұлу саздың ән ұйқасы.
Қан ойнар жүрегіңнің патшасындай,
Лирика –поэзия падишасы.

2-19 қараша, 2012жыл
Алматы шаһары.

Шөмішбай Сариев лирика – поэзия падишасы Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар