Шөмішбай Сариев

Болғаным үшін мен – Қазақ

Бұл бетте «Болғаным үшін мен – Қазақ» атты Шөмішбай Сариев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

13.04.2022
0
0
1273

Өмірге мені жаратқан,
Айналдым осы Қазақтан!
Ұтылмаған бірақ та,
Құтылмаған азаптан!
Шуағын шашқан күн ғажап,
Жер үсті тұнған гүл ғажап,
Жаралған жерде ең алғаш,
Болған шығар бір қазақ.
Ана сүтін бәрі емген,
Перзент тарап бар елдан,
Сол қазақ менің тегімді,
Тең еткен күллі әлеммен.
Өмірде қымбат болды азап,
Өмірде жұмбақ мол ғажап,
Жаралған жерге бірінші,
Таратқан бізді сол қазақ!
Өткені өтті талайдың,
Бұрылып мен де қараймын,
Сол қазақтан Тоғысып,
Сол қазақтан тараймын.
Тоғысқан талай жолдары,
Маңдайға бақыт қонғаны,
Мен үшін бәрі туысым,
Қазақпын десе болғаны,
Сыздаған жүректен жауырын,
Бұлттардың көрдім ауырын,
Қазақтың бәрі қазақ қой,
Тұтастай бәрі бауырым,
Бауырым, ұлтым жақұтым,
Жаратқан мені, Уақытым.
Болғаным үшін мен – Қазақ,
Бақыттымын! Бақытым!

13 Маусым 2014 жыл
Террагонна қаласы

Шөмішбай Сариев болғаным үшін мен – қазақ... Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар