Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Тәуелсіздік таңы

Бұл бетте «Тәуелсіздік таңы» атты Шөмішбай Сариев жазған тәуелсіздік туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 14.04.2022
  • 0
  • 0
  • 1906
Тәуелсіздік таңы қандай атқаны,
Құстың қандай самғап қанат қаққаны.
Айы жарық сұлу түннің мақпалы,
Жарық қандай жұлдыздардың аққаны.
Тәуелсіздік таңы әсем сұлуы-ай,
Жанға тәтті жүрегімнің жылуы-ай.
Ойдың терең таңғажайып тұнуы-ай,
Таң-тамаша табиғаттың тілін-ай.
Тәуелсіздік тауына мен шомылдым,
Болатынын біліп енді жолымның.
Алатаудай биік асқар шыңдарға,
Білдім енді жететінін қолымның.
Тәуелсіздік ғашық едім мен саған,
Армандарым алдан шықты аңсаған.
Айы толқын көрінді әке көгімнен,
Бір жарқ етіп жұлдыздары самсаған.
Тәуелсіздік таңы сұлу жан-жағы,
Жерде барыс, көкте қыран самғады.
Тәуелсіздік таңы еді ғой сағыныш,
Ата-бабам көптен күткен арманы.
Сен болмасаң мен қуанып күлем бе,
Сен болмасаң алшаң басып жүрем бе.
Тәуелсіздік таңы атты мінекей,
Шұғаладан шашу шашып ұлы Елге!
Еңсем биік, дұшпанымды бұқтырдың,
Бостандықтың не екенін ұқтырдың.
Тәуелсіздік таңымменен оянып,
Тәуелсіздік – табаныммен тік тұрмын.

26 қаңтар 2011 жыл
Алматы шаһары.


Пікірлер (0)

Пікір қалдырыңыз

Жиі қойылатын сұрақтар

Тәуелсіздік таңы өлеңінің авторы кім?

Шөмішбай Сариев — осы өлеңнің авторы.

Тәуелсіздік таңы өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Тәуелсіздік таңы өлеңі не туралы?

Бұл шығарма тәуелсіздік туралы өлең ретінде танымал. Өлеңде автор өз ойын көркем түрде жеткізеді.

Тәуелсіздік таңы өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері