...ға

Сол бір досың түсіп күйкі сезімге.
Бар үмітін саған артқан кезінде,
Қаперіңе сонда түк те кірмеді-ау,
Үрейлі өлім тұрғандығы көзінде
Білмедің-ау, шарасыздан ол басын,
Айбалтаға тосатынын өзің де.
Ардақтаумен келді тәтті өмірді,
Асқақ арман ту болды ақтық демінде.
Пендешілік деген онда жетеді,
Еш арамдық білінбейтін көңілде.
Оның зарын құлаққа ілмей жаратқан,
Қыршын жастың ерте қаны төгілді.
Бірте, бірте... ұмыт болып бәрі де,
Көрген түстей мәңгі кетер әріге.
Кекті жұрттың көз жасы да тиылар,
Қаһарлы елдің тарқар ашу-кәрі де.
Жалғыз ғана сенің бейнең аян боп,
Түнеп жүрер суып қалған тәнінде.

---