Құлаған түнде жұлдыздай

Құлаған түнде жұлдыздай.
Бұл дүниеге жоқ бағам,
Жүрегім зіл тас бір мұздай,
Астында.жылан ұйықтаған.
Тұрмыстың ұсақ күйбеңін
Жолатпай, шабыт сақтады-ау!
Бақытынан да дүниенің
Рақат жаным таппады-ау!
Аңсаған, көрдім бақытты,
Бәрі де соның өзімнен.
Одан да жаным жалықты:
Патшадай тәжден безінген.
Жабырқап жалғыз қараймын,
Арманнан безіп не түрлі;
Адыра қалған сарайдың
Сорлы иесі секілді.

---