Сайын Назарбекұлы

Қазақтың дарындары

Бұл бетте «Қазақтың дарындары» атты Сайын Назарбекұлы жазған бақыт туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

05.06.2022
0
0
618

(Айман Мұсақожаева қарындасыма)

Күйінің таңқалдырып сарындары,
Үн кернеп далам жатыр жарылғалы.
Қазақты ұлы көште ұлы етер,
Ғажайып, туа біткен дарындары.
Дарынын елі сүйер, мақтан етер,
Көп адам таласады баққа бекер.
Кешегі Қажымұқан, Мұрын жырау,
Даналық — қазақ аты, ақтап өтер.
Жүгірсе Жыланбаев — Жер айналған,
Мақтанба, мүмкін біреу, дер-ай маған.
Кетпені Жақаевтың он күректей,
Аңызға арқау болар ер айналаң.
Әр пенде арман, мұңын сұрайды елден,
Тәтті ғой сағынышың жылай көрген.
Ұлыстың ұлылығын паш етеді,
Дарыны Айманжанның Құдай берген.
Қанша жыл еңбек етті мігір етпей,
Арқадан ару жанның жүгі кетпей.
Келеді басқаларға бақыт сыйлап,
Жібітіп жан-тәніңді құдіреттей!
Ғажап үн суыртпақтап саз тартады,
Сол үннен бойға әсем наз тарқады.
Аңсасаң сырлы сазды, сиқыр назды,
Айман мен скрипка тартар тағы.

Астана. 26.05.2002 ж.

Айман Мұсақожаеваға Сайын Назарбекұлы қазақтың дарындары Сайын Назарбекұлы өлеңдері

Пікірлер (0)

Пікір қалдырыңыз

Жиі қойылатын сұрақтар