Өлең, жыр, ақындар

Түнгі думан

  • 05.06.2022
  • 0
  • 0
  • 672
Түнгі думан, шаттанған Жер,
Дала мас, Бізде сондай, сарыны бір, салалас.
Жер думанын келген бе қызықтауға,
Суда жатыр, Ай сұлу, тыр жалаңаш.
Қымсынғандай, денесі дір-дір етті,
Дір-дір етті, сезімге бір гүл екті.
Әсерлі шақ, жүректен сыр суырған,
Әсерлі шақ сезімді дүлдүл етті.
Сол сұлудан желдің де дәмесі бар
Налып қалды — ете алман, дегесін жар.
Жылуы жоқ сұлудан не іздейді,
Аспан деген арада ... бөгесін бар.
Ай сөгеді, салсаң деп, аңдап құрық,
Мен Аймын ғой, сүйемін таңдап тұрып.
Сен Желсің ғой, елессің, тұрағың жоқ,
Кез келгенді кететін шаң қаптырып.
Жел азынап жас төкті, құтырынды
Көрсетпе деп жалындық бұ түріңді.
Ай болмаса Аптап бар сені сүйер,
Тоқтата гөр сатыр мен күтіріңді.
Жел қабағы азғана ашылғандай,
Ай да, көкте, солығы басылғандай.
Көкжиектен көрпе бұл келе жатыр,
Айды бізден қызғанып, жасырғандай.

Астана. 3.06.2002.



Пікірлер (0)

Пікір қалдырыңыз

Ей, адамдар, мен жүрмін ортаңызда

  • 0
  • 0

Ей, адамдар, мен жүрмін ортаңызда,
Қыста тоңбай, шөлдемей cap тамызда.
Тағдыр, заман, бәрі де сүріндірмек,
Бар ауырды артады арқамызға.

Толық

Жыл өткен сайын

  • 0
  • 0

Жыл өткен сайын сеземін
Алып жүр әжім кезегін.
Дер едім олар әдемі
Торласа бетін әженің

Толық

Жігіттерге

  • 0
  • 0

Жiгiттен көрсем тектiлiк,
Арнаймын жолға сәт тiлек.
Шыңына асқар арманның
Тұрамын шықса деп тiлеп

Толық

Қарап көріңіз