Өлең, жыр, ақындар

Обал-ай, бәрі алданды

  • 05.06.2022
  • 0
  • 0
  • 887
Бақыттан сезіп тапшылық
Пенденің бәрі — арманды.
Тағдырдан күтіп жақсылық —
Обал-ай, бәрі алдады.
Соқыр боп қалған не дейді
Мақаулар тіпті демейді.
Асқынған ауру не дейді,
Көңілді немен демейді.
Бағы бар баста пенделер —
Қор болды, күндеп, тарылып.
Тағы бар аста пендеде —
Жүректер жатыр жарылып.
Аударса мезгіл парағын
Жайнаған өмір қуарған.
Шалмайды үсік, қарағым,
Маңдай тер ғана суарған.
Басқаның бәрі алданыш,
Баянды бақыт болмайды.
Қанағат атты сезімін
Нәр берсе жаның солмайды.
Бұл өмір — жойқын дария,
Жоқ іздеп қарсы жүзбе, сен.
Бақыт пен байлық табарсың
Еңбектен ғана іздесең.



Пікірлер (0)

Пікір қалдырыңыз

Сыр ашу

  • 0
  • 0

Алпыстан жасым асқан шақ,
Таныдым мынау Жалғанды.
Заманнан бұға жасқансақ,
Алдық па тәуір талғамды.

Толық

Тілек

  • 0
  • 0

О, Жаратқан, ризамын сезім берген!
Қандай ғажап, сезіммен көзің көрген!
Тілей алшы жақсылық өзгелерге,
Омақасып жатырған кезінде, Сен!

Толық

Тыңда да сөзді сарала

  • 0
  • 0

Тыңда да сөзді сарала,
Кім айтты оған қарама.
Қазақтың кейбір мақалы
Сіңбейді толық санаңа.

Толық

Қарап көріңіз