Өлең, жыр, ақындар

Күлдіреуіш

  • 07.06.2022
  • 0
  • 0
  • 946
Қасиетті қазақтың шаңырағы,
Сан сырыңды, құпия, таныр әлі.
Талай ғасыр сарқылмай сені жырлап,
Саз сыйлайды қазақтың қоңыр әні.
Шаңырақсыз кісі ме қазақ деген,
Өз күпіңмен әрқашан азат денең.
Баба жолы — даңғылың, адаспасаң
Бақ таймайды басыңнан — қазақ, сенен.
Тіреу барда көтермес ауыр бар ма,
Бірлік барда жеңілмес жауың бар ма
Күлдіреуіш, бақанның арқасында
Шаңырағың қозғалмас дауылдарда.
Мені түсін бас алып тура қашпай,
Осы сезім нәрсіз бе сораң астай?
Бақандарды белдеуге қыстырады,
Барлық құны қоқайған қорағаштай.
Күлдіреуіш, шаңырақ құралдары,
Аттары жоқ, аты да сұралмады.
Онсыз апан аузындай шаңырақтың
Дүние боп қиын-ау тұра алмағы.
Аты барлар "мен", "мен" деп шіренеді,
Күлдіреуіш түндіктің тірегі еді.
Шаңырақты көтерсе шаңырақ қып,
Бақан да тек өзіне тіреледі.

21.06.1992.



Пікірлер (0)

Пікір қалдырыңыз

Жағымпазға

  • 0
  • 0

Көресің-ау өзіңді ақылдырақ,
Қамқорсисың, әрдайым, жақынсырап.
Сипамашы арқамнан, жек көремін,
Жүрген жоқпын мен сенен ақыл сұрап.

Толық

Жанарыңды сатпашы

  • 0
  • 0

Танытады көп кісіні талтаңы,
Қастарында жандайшабы, жалтаңы.
Бәрі де бар, не іздейді ел кезіп,
Бай адамдар, бар адамдар — қалталы?

Толық

Кешірмей бір қатені

  • 0
  • 0

Сен мендік бола алмадың,
Мен сендік бола алмадым.
Секілді көкте жұлдыз,
Жетпеген сол арманым.

Толық