Шындық

Шындық-діңгек, өмірге тіреу ме еді?
Білімділер - ол жалқы, біреу дейді.
Бірақ соның отына, бұ не ғажап,
Біреу тоңып жаураса, біреу күйді.
Болама әлде созуға шынды мына,
Сәйкес етіп, әр кісі, ындынына?
Содан барып ұры да, барымташы,
Сүйене ме өзінің шындығына?
Мүмкін бе, шын, шынында біреу емес,
Шындыққа ұқсас ондаған жүре ме елес?
Мүмкін, әркім, өзінше шындығы бар,
Сондықтан да өмірде кілең егес?

Алматы. 14.10.1994 ж.

---