Сайын Назарбекұлы

Төрт мезгіл

Бұл бетте «Төрт мезгіл» атты Сайын Назарбекұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.06.2022
0
0
3629

Көктем
Қыс қорқытса сездіріп ызғар барын,
Қысылмайды жап-жас боп көктем — дарын.
Жағып жатыр көк бояу оңды-солды,
Ол өнерде танытты өктем барын.

Жаз
Жадыратар жаз бәрін бірте-бірте
Жапырақты сарғайтар өңін сүрте.
Көк бояулар өзгеріп көп бояуға,
Гүл жеміске айналар өмір сүрсе.

Күз
Жаңбыр сыбап, осы кез жерге сіңбей,
Ойға тартар жыршының термесіндей.
Екі дарын еңбегін іліп жатыр,
Көк бояумен көп бояу көрмесі.

Қыс
Ей дарындар! Шырқа, тек құлап түспе,
Сақ бола көр, сенбеші, шырақ, күшке.
Суретті жек көрер діндәр қарттар,
Бояп шығар бір түнде, бір ақ түске.

Семей. 14.04.1995 ж.

Көктем қыс күз жаз Сайын Назарбекұлы төрт мезгіл Сайын Назарбекұлы өлеңдері

Пікірлер (0)

Пікір қалдырыңыз

Жиі қойылатын сұрақтар