Жанарыңды сатпашы

Танытады көп кісіні талтаңы,
Қастарында жандайшабы, жалтаңы.
Бәрі де бар, не іздейді ел кезіп,
Бай адамдар, бар адамдар — қалталы?
Мүләйім көз — қалталының арманы,
Тұрса дейді тек дәметіп жан-жағы.
Алдай алса, арбай алса бір рет
Енді назар салмас саған ол дағы.
Өшпендідей, от көз кірпік қақпасын,
Неге қақсын өз иесін тапқасын!
Бәрі құрбан, жалғыз тілек, қарындас,
Жарқыраған жанарыңды сатпашы.

---