Ең бастысы "ой" деген оңдырмасым

Бір басымда бірнеше ғажайып бар,
Әр қайсысы ғаламат ғажайыптар.
Ең бастысы "ой" деген оңдырмасым,
Бірі мақтап, ал бірі, таза айыптар.
Мақұлы бар ішінде, тақылы бар,
Ақын ойын, әрине, ақын ұғар.
Лас сөзді тазартсаң әлек болып,
Таптырмайды-ау, оқушы, "затын" ұғар.
Лас ойды тұндырып сүзіп қара,
Ақ маржанын алсаңшы, үзіп дара.
Адалдаса, шіркін-ай, адам жанын,
Ата қанын, ұрпақтың, сүзіп қана.
Ел етер ем елімді жатырынан,
Сақтар едім мәңгүрттен, пақыр ұлдан.
Бірақ, бірақ сол өзі керек пе екен?
Кіл ақылдың қорқамын ақырынан.

Астана. 23.05.2002 ж.

---