Өлең, жыр, ақындар

Жылдамдық

  • 07.06.2022
  • 0
  • 0
  • 731
Жылдамдықтар,
жылдамдықтар,
жылдамдық...
Дене қызып, мың өртенiп, мың жандық,
Зуылдайды төбемнен де, жанымнан
жылдамдықтар,
жылдамдықтар,
жылдамдық...
Жылдамдықтар – дәл осы сәт күшiнде,
бiлiп ал сен мұны мықтап түсiн де.
Көк аспанмен ағып бара жатасың
жылдамдықтар салонының iшiнде.
Зуылдайсың ертектегi жындарша,
жатыр онда жазылмаған жыр қанша.
Көкжиекке сiңiп жоқ боп кетесiң
найзағайлар көзiн ашып-жұмғанша.
Ендiктер бар кесiп әлi өтпеген,
бойлықтар бар мен көрмеген көптеген.
Жас ағызып жылдамдықтың көзiнен
заулап барам, заулап барам көкте мен.
Жақын қалды «ә» дегенше қарашы –
қашықтық пен қашықтықтың арасы...
Сорғалаған жұлдыздармен көктегi
соқтығысып қалар ма екем мен осы?!



Пікірлер (0)

Пікір қалдырыңыз

Қоян жылы жазылған өлең

  • 0
  • 0

Төгiлiп тұр жыр болып
Сергек қоян, сақ қоян...
Келiп кiрдi жыл болып
аппақ қоян, ақ қоян.

Толық

Зират үстіндегі жаңбыр

  • 0
  • 0

Аспан да бұлтын қуып бiр
осынау тұсқа жинапты.
Ақ нөсер төпеп құйып тұр
үстiне мұңлы зираттың.

Толық

Бөспе

  • 0
  • 0

Көкжиектi толтырып жатқан
Көлдей көсiлiп,
Бұрқыраған желдей есiп отыр.
Дүниенi

Толық

Қарап көріңіз