Бөтен адам – Темірхан Медетбек

Бұл бетте «Бөтен адам» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.06.2022
  • 0
  • 0
  • 1323
Мынау адам –
бөтен адам, басқа адам.
Ел мен жерден өзiн бөлiп тастаған.
Бiр адамға ойын, сырын ашпаған
мынау адам –
бөтен адам, басқа адам.
Қарашы сен –
ызғар жатыр үнiнде–,
қарашы сен –
ызбар жатыр түрiнде.
Бұл адамнан, бұл адамнан бөлекпiн
бiр болса да ұлтым менен тiлiм де.
Мiз бақпастан жарып сенiң өтiңдi
жейтiн-сынды тiрiдей-ақ етiңдi.
Өн бойында ұя салып озбырлық,
ойларында ойран жатқан секiлдi.
Қарашы сен – сезiн, мейлi, сезiнбе! –
Керек шығар қарау үшiн төзiм де.
Ауызын ашса у тамардай тiлiнен,
сұмдық жатыр сығалаған көзiнде.
Қарап алып жан-жағына тiк тұрып
ол кетедi көп нәрсенi ұқтырып.
Жаңа ғана көрден шыққан секiлдi
қолы қандай,
қолы қандай сұп-суық.
Ел, жер үшiн белi ауырып тер төкпей
келе жатыр ант етпей, серт етпей.
Ол келгенде – о, сұмдық-ай! – қарашы
ағаштар да тұнып қалар селт етпей.
Шаң қонбаған сұп-сұр оның жүзiне
қарамайды ол сұлулыққа үзiге.
...Жылан келiп жұмыртқасын сап жатыр
сол адамның басып кеткен iзiне.
Оны көрiп – жаным жылап, егiлем,
оны көрiп ыдыраймын, сөгiлем.
Ластанып бара жатқан секiлдi
ауа-дағы
соның алған демiнен.
Боп көрмеген халық үшiн қапалы,
түспеген кеп бiр адамға шапағы.
Осы адамнан
ел жиырылып тартынып,
осы адамнан
жер жиiркенiп жатады.


Пікірлер (0)

Пікір қалдырыңыз

Жиі қойылатын сұрақтар

Бөтен адам өлеңінің авторы кім?

Темірхан Медетбек — осы өлеңнің авторы.

Бөтен адам өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Бөтен адам өлеңі не туралы?

Бұл өлеңде Темірхан Медетбек өз ойы мен сезімін көркем түрде жеткізеді.

Бөтен адам өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері