Мәриям Хакімжанова

Сайра, Күләш!

Қазақша өлең мәтіні, өлең жолдары және толық нұсқасы.

03.12.2015
0
0
4070

Сайра, Күләш, сандуғаш,
Сайра "Гәкку" әніңе.
"Тыңдаймын да болам мас,
Тәтті үніңнің нәріне.
Сайра-сайра, тағы да,
Бал тамызған таңдайың.
Тудың анаң бағына,
Күнге карап мандайың.
Зарлап өткен "Қыз Жібек"
Сен арқылы тірілді.
Ақ желегі үлбіреп
Күндік торы түрілді.
Өлі қызға жан берген,
Күй сандығың сыңғырлап.
Сахнаға сән берген,
Салған әнің мың бұрап.
Аспанында Отанның,
"Гәкку" қақты қанатын.
Артисткасы Отанның,
Жастар үлгі алатын.
Сайра, Күләш, бұлбұлым,
Сені тындап тоймаймын.
Саған тарту бұл жырым,
Алар деп қабыл ойлаймын.

Сайра Күләш Мәриям Хакімжанова сайра күләш! Мәриям Хакімжанова өлеңдері

Пікірлер (0)

Пікір қалдырыңыз

Жиі қойылатын сұрақтар