Жер шары – Темірхан Медетбек

Бұл бетте «Жер шары» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 14.06.2022
  • 0
  • 0
  • 735
Сенi бiз
Анамыз деймiз.
Сен үшiн
Күйемiз, жанамыз деймiз.
Сөйте тұра
Жаншып, таптаймыз.
Отқа қақтаймыз.
Адамдар сенi
Ендiк пен бойлықтың
Жiптерiмен
Байлап тастаған:
Торға түскендейсiң!
Маңдайың ашылмайтын
Сорға түскендейсiң.
Неткен
Тентек, тасырмыз:
Бiр бүйiрiңдi тесiп,
Бiр бүйiрiңдi
Кесiп жатырмыз.
Сенi қайғы-қасiрет
Шырмауға айналды.
Барқыттай
Жасыл көйлегiң
Шұлғауға айналды.
Жалмаңдаған
Болат темiрлер
Сенi қаршылдатып шайнап
Кемiрiп жатыр.
Содан бiреулер
Борсықтай болып
Семiрiп жатыр.
Кеңiстiгiңнiң
Бетi тiлiнiп
Кесiк-кесiк болды.
Орман-өкпелерiң
Құрт түскендей
Тесiк-тесiк болды.
Сор басқан жерлерiң
Төгiлген жының сияқты.
У құйылған өзендерiң
Жарадан аққан
Iрiң сияқты.
Пана iздегендей
Кеңiстiктiң iшiн
Аралап барасың.
Тебiлген доптай боп
Домалап барасың!
Жер шарым-ау!
Шаршадың-ау!


Пікірлер (0)

Пікір қалдырыңыз

Жиі қойылатын сұрақтар

Жер шары өлеңінің авторы кім?

Темірхан Медетбек — осы өлеңнің авторы.

Жер шары өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жер шары өлеңі не туралы?

Бұл өлеңде Темірхан Медетбек өз ойы мен сезімін көркем түрде жеткізеді.

Жер шары өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері